形象設計小貼士

新娘

款式、顏色配搭

不應盲目跟隨從潮流去選擇款式及顏色,建議新娘先由自己的膚色去揀顏色,然後揀適合自己氣質既,最後先至揀適合自己的外型既款式。

氣質

大至上新娘形象係分為幾大類:青春、活潑、事業型、溫柔、斯文。新娘子應該睇下你自己既性格是屬於邊一類型,才去揀款式。

膚色

婚紗既主流顏色係有白色同埋象牙色。首先睇下自己既膚色係屬於較白淨,定係較為健康。如果皮膚是比較白淨既,揀白色既婚紗。膚色健康既新娘子;通常東方女性既膚色健康親都會係深色既,會比較偏黃偏青,襯白色既婚紗會覺得個人膚色好暗好黃好青,現場睇係好唔舒服既,如果用象牙色婚紗襯起黎膚色會變得柔和。晚裝顏色變化多,最好係試上身先決定。

身型

外型大致上分為高頭大碼、高瘦;嬌小圓潤同埋嬌小纖瘦。其實如果揀到適合自己身型既款式,唔單至可以突出自己既優點,仲可以收埋自己既缺點添。

配合新郎身型

新娘子唔可以只顧自己的喜好,要考慮婚紗、晚裝既款式是否與新郎的身型合襯。建議新娘子親身到我地既婚紗晚裝中心,我地既形象顧問一定會幫到妳。

婚宴晚裝組合

拍照時

款式要迎合婚宴的禮堂;顏色要配合場地背景,切記避免撞色。

敬酒時

揀選不宜著容易走光的衫,避免尷尬。

送客時

可選擇的款式,但晚裝所採用的布料必須名貴有質感及造工精細,近距離送客時,賓客便可以見到晚裝之優點。

新郎

禮服絕妙配搭

如何挑選合您身型的禮服? 其實新郎哥亦一樣好貪靚,穿上一套稱身的禮服,可以將您的魅力盡情發揮...

新郎哥的身型 應選擇的禮服款式
矮小 宜單襟、領尖向上的禮服
高大 宜孖襟、燕尾禮服
瘦削 宜穿堅挺、厚身的孖襟禮服
肥胖 宜選深色、單襟禮服
斜膊 要在膊位加墊
大肚腩 宜款式簡單禮服